Maruti Suzuki නවතම මෝටර් රථය වෙළෙඳපොළට නිකුත් කරයි

Maruti Suzuki කියන්නේ ශ්‍රී ලංකාවේ ඕනම කෙනෙක් නම කිව්ව ගමන් දන්න මෝටර් රථ නිෂ්පාදන සමාගමක්. 1983 දී තමයි මේ සමාගම මෝටර් රථ නිෂ්පාදනය ආරම්භ කරන්නේ. ඉතින් අද MotorGuide අපි අරගෙන ආවේ Maruti Suzuki සමාගම විසින් 2023 වසරේ වෙළෙඳපොළට නිකුත් කරපු නවතම මෝටර් රථය ගැනයි.

ඉන්දියාවේ විශාලතම මෝටර් රථ නිෂ්පාදකයා වන Maruti Suzuki එහි නවතම මෝටර් රථය වෙන Invicto එළිදක්වා තිබෙනවා. එය තමයි දැනට ඉන්දියාවේ මිල අධිකම මෝටර් රථය වෙන්නේ.

මේ මෝටර් රථය මූලික වශයෙන් පසුගිය වසරේ එළිදැක්වූ Toyota Innova HyCross MPV රථයේ rebadged version එකක් විදියට හඳුන්වන්න පුලුවන්. Invicto කියන්නේ Maruti සහ Toyota Kirloskar අතර හවුල්කාරීත්වයෙන් පසුව නිපද වූ නිෂ්පාදනයක්.

මෙම මෝටර් රථයේ variants තුනක් අපිට බලාගන්න පුලුවන්.

• Zeta+ (7 seater)
• Zeta+ (8 seater)
• Aplha+ (7 seater)

ඒ වගේම මේ Invicto රථය Nexa Blue සහ Mystic White ඇතුළුව වර්ණ හතරකින් ලබා ගන්න පුලුවන්.

නවතම Maruti Suzuki රථයේ hybrid motor එකක් සමඟ 2.0-litre petrol engine එකක් තමයි තියෙන්නේ. පෙට්‍රල් එන්ජිම මඟින් 172bhp බලයක් සහ 188Nm torque එකක් ලබා දීම සිදු කරනවා. මෙහි e-CVT transmission එකක් තමයි තියෙන්නේ.

දැනට මෙම මෝටර් රථයේ වටිනාකම බොහෝ දුරට රුපියල් මිලියනයකට (ඩොලර් 12,000) අඩු මිලක් වනු ඇති බවයි අපේක්ෂා කරන්නේ.

ඉතින් මේ දේවල් තමයි අලුතෙන් නිකුත් වුණු Maruti Suzuki Invicto රථය ගැන කතා කරන්න තියෙන්නේ. ඉදිරියේදී මේ ගැන අලුත්ම updates MotorGuide අපි ඔයාට අරගෙන එන්නම්.