Toyota Yaris මෝටර් රථ 7,000 කට වඩා වැඩි ගණනක් නැවත කැඳවයි

Toyota Yaris කියන vehicle එක market එකට එන්නේ 1999 වර්ෂයේදී. ලංකාවෙත් ගොඩක් ප්‍රසිද්ධ වාහනයක් විදිහට අපිට Toyota Yaris හඳුන්වන්න පුලුවන්. ඉතින් අද MotorGuide weekly news තුළින් අපි ඔබට අරගෙන එන්නේ Toyota Yaris මෝටර් රථ හිමිකරුවන්ට මුහුණ දීමට සිදු වුණු ඇබැද්දියක් ගැනයි.

විදෙස් මාධ්‍ය වාර්තා කරන ආකාරයට Toyota Yaris වර්ගයේ මෝටර් රථ 7,000කට වඩා වැඩි ගණනක් නැවත කැඳවීමට එම සමාගම තීරණය කරලා තියෙනවා. මේ ආකාරයට නැවත කැඳවීමට තීරණය කරලා තියෙන්නේ 2020 ත් 2023 ත් අතර නිෂ්පාදනය කර ඇති Toyota Yaris පෙට්‍රල් සහ Hybrid වර්ගයේ මෝටර් රථ මාදිලි කිහිපයක්.

එම මාදිලි ලෙස Ascent Sport 1.5L Petrol Auto Hatch සහ Ascent Sport 1.5L Petrol Manual Hatch හඳුන්වන්න පුලුවන්. මේ මෝටර් රථ මාදිලිවල සමබරතාවය සම්බන්ධයෙන් ඇති වූ නිෂ්පාදන දෝෂයක් හේතුවෙන් තමයි මෙලෙස එම රථ යළි කැඳවා තිබෙන්නේ.

Toyota සමාගම උපුටා දක්වමින් විදෙස් මාධ්‍ය වැඩිදුරටත් වාර්තා කරන්නේ, අදාළ කාලසීමාව තුළ නිෂ්පාදිත මෝටර් රථ භාවිත කරන පුද්ගලයින් සිටී නම් එම රථ පරීක්ෂාකර ගැනීමක් සිදුකර ගත යුතු බවයි. ආසන්න වශයෙන් එම වර්ගයේ මෝටර් රථ 7,633කට ආසන්න ප්‍රමාණයකට ඉන් බලපෑමක් සිදුවන බවද විදෙස් මාධ්‍ය වැඩිදුරටත් වාර්තා කර තිබෙනවා.