Toyota සමාගමේ DAIHATSU මෝටර් රථ නිෂ්පාදන කටයුතු අත්හිටුවයි
Daihatsu Motor සිය මාදිලිවලට බලපාන ආරක්ෂිත පරීක්ෂණ වංචාවක් හේතුවෙන් සියලුම දේශීය නිෂ්පාදන තාවකාලිකව අත්හිටුවා ඇති බව පසුගියදා නිවේදනය කළා.
කෝපන් මිනි වාහනය එකලස් කිරීම සඳහා වගකිව යුතු ඔසාකා ප්රාන්තයේ පිහිටා ඇති අවසන් කර්මාන්ත ශාලාව ඉකුත් අඟහරුවාදා සිය මෙහෙයුම් නතර කරන ලදී.ඒ අනුව ජපානය තුළ කර්මාන්තශාලා සේවකයින් 9,000 ක් පමණ සිටින සමාගම එහි ගෘහස්ථ කර්මාන්ත ශාලා හතරමෙ නිෂ්පාද මෙලෙස අත්හිටවු බවයි Daihatsu නිලධාරීන් විදසේ මාධ්ය වෙත පවසන්නේ.දේශීය නිෂ්පාදනය නැවත ආරම්භ කළ හැක්කේ කවදාද යන්න පිළිබඳව නිශ්චිතව තක්සේරු කිරීමට පවා නොහැකි වී බවයි ඔහු වැඩිදුරටත් සඳහන් කර තිබෙන්නේ.
2016 වසරේ සිට Toyota හි අනුබද්ධ සමාගමක් වන Daihatsu ජපානයේ දිනකට මෝටර් රථ 4,000ක් නිෂ්පාදනය කරන අතර පසුගිය වර්ෂය තුළ පමණක් ඒකක 870,000ක් පමණ නිෂ්පාදනය කර තිබෙනවා.
ජපානයේ ප්රවාහන අමාත්යාංශය විසින් කරන ලද වැටලීමකින් පසුව, තෙවන පාර්ශවීය පරීක්ෂණයකින් ආකෘති 64 ක් පුරා ගැටළු 174 ක් අනාවරණය වූ අතර, ආරක්ෂක රෙගුලාසි වලට අනුකූල වීම පිළිබඳ මෙහිදි ගැටලු මතුව ඇතැයි විදෙස් වාර්තා පවසනවා.
විමර්ශනය මූලික වශයෙන් අවධානය යොමු කරන්නේ එයාර් බෑග් පාලන ඒකක කෙරෙහි වන අතර, කඩා වැටීම් පරීක්ෂණ ඒකක සහ පාරිභෝගික වාහනවල ස්ථාපනය කර ඇති ඒවා අතර විෂමතා එහිදී නිරීක්ෂණය වීම හේතුවෙන් මෙම පියවර ගත්බවයි සමාගම පවසන්නේ.
(Source : CNN , Newswire)
