"Elektrateq" - තවත් මෙරට දේශීය නිෂ්පාදන වාහනයක් එළිදකී

ශ්‍රී ලාංකේය තාක්ෂණික සමාගමක් වන Vega Innovation, “Elektrateq” නමින් නව විදුලි ත්‍රිරෝද රථයක් හඳුන්වා දී ඇත. මෙය “ETX” ලෙස නම් කර තිබෙනවා.

සාම්ප්‍රදායික ත්‍රිරෝද රථ මෙන් නොව, “Elektrateq” බහුකාර්ය උපයෝගිතා ලබා දෙයි, දෛනික සවාරියක්, කුඩා ව්‍යාපාරික වාහනයක්, භාණ්ඩ ප්‍රවාහනයක් හෝ ටැක්සියක් ලෙස සේවය කරයි. එහි අභ්‍යන්තරය ඉතා සුවපහසුව සහ උසස් තාක්‍ෂණය එකතු කරමින් නිර්මාණය කර ඇත.

එය පැයකින් 80% ක බැටරි ධාරිතාවකට ළඟා විය හැකි ඉක්මන් ආරෝපණ පද්ධතියක් ඇත. එහි වහලයට සවි කර ඇති සූර්ය පැනලයෙන් බල ගැන්විය හැකි පරිදි නිර්මාණය කර ඇත.

2025 වන විට විදුලි ත්‍රිරෝද රථ සඳහා වෙළඳපොළ ඩොලර් බිලියන 30.12 ට සමාන වනු ඇත. 2027 වන විට එය ඩොලර් බිලියන 32.65 දක්වා ළඟා විය හැකිය. ලොව පුරා සෑම දිනකම ටුක්-ටුක් වල ගමන් කරන පුද්ගලයින්ගේ සංඛ්‍යාව සැලකිල්ලට ගත් විට, එය වඩාත් වැදගත් විය හැකියි නිසා මෙම නිෂ්පාදනය ඉදිරියෙදී වෙළඳපලට හදුන්වා දීමට කටයුතු කරන බවයි Vega Innovations ආයතනය අයත් CodeGen International සමාගමේ සභාපති සහ ප්‍රධාන විධායක නිලධාරී ආචාර්ය හර්ෂ සුබසිංහ මහතා සදහන් කරන්නේ.

මීට පෙර ඔවුන් දකුණු ආසියාවේ ප්‍රථම පූර්ණ විදුලි සුපිරි මෝටර් රථය නිෂ්පාදනය කළ අතර පසුගිය දිනෙක එය භාවිතයට මෝටර් රථ ප්‍රවාහන දෙපාර්තමේන්තුවේද අවසරය හිමි වුණා.