අනතුරකින් පසු රක්ෂණ වන්දි ලබා ගන්න හරිම විදිහ

Accident එකක් වුණ ගමන් ඔබ කරන්න ඕනේ, ඔබේ insurance company එකට call එකක් දීලා ඒ පිළිබඳව දැනුවත් කරන එක. සමහර අවස්ථා වලදී accident එක නිසා පාරේ ලොකු traffic එකක් ඇති වෙන්න පුලුවන්. එවැනි අවස්ථාවකදී වාහනය පාරෙන් ඉවත් කරන්න පෙර ඒ පිළිබඳව insurance ආයතනයේ අවසරය ලබා ගන්න අමතක කරන්න එපා. එතකොට ඔබට පුලුවන් වාහනය accident වී ඇති ආකාරය photos අරගෙන වාහනය අදාළ ස්ථානයෙන් ඉවතට ගන්න.

මුදල් කපා ගන්නවද?

වන්දියක් ගන්න යනකොට ගොඩක් දෙනෙක්ගෙන් එන චෝදනාවක් තමයි, ගන්න තියෙන වන්දියෙන් 30%ක් 35%ක් වගේ විවිධ ප්‍රමාණයන්ගෙන් මුදල් අඩු කළා කියන එක. මේකට හේතුවක් තියෙනවා. ලංකාවේ insurance companies අතරින් ගොඩක් company වලින් full claim එක ගෙවන්නේ වාහනයේ නිෂ්පාදිත වර්ෂයේ සිට අවුරුදු 5ක් දක්වා පමණයි. අවුරුදු 5න් පසුව ඔබේ වන්දියෙන් යම් ප්‍රතිශතයක් අඩු කර ගැනීම සිදු වෙනවා. මෙයට හේතුව වන්නේ අවුරුදු 5කට පසු වාහනයේ parts පරණ වීමයි.

රක්ෂණ ආයතනයෙන් වෙන අසාධාරණකම්

සමහර අවස්ථා වලදී insurance company වලින් අසාධාරණ දේවල් පවා සිදු වෙනවා. උදාහරණයක් විදිහට අනතුරක් හේතුවෙන් වාහනයේ alloy wheels අතරින් එකක් පිපිරීමට ලක් වෙනවා. නමුත් අනෙක් සියලු alloy wheels damage එකක් නැතුව හොඳ තත්වයේ පවතිනවා. මෙවැනි අවස්ථා වලදී සමහර insurance company වලින් වන්දි ලබා දෙන්නේ එක් alloy wheel එකක් සඳහා පමණයි. නමුත් අපිට shop එකකින් brand new alloy wheels ගන්නවා නම් එකක් පමණක් මිලදී ගැනීමේ හැකියාවක් නැහැ. එවැනි අවස්ථා වලදී ඔබට අවාසියක් සිදු වෙන්න පුලුවන්. එවැනි අවස්ථා වලදී alloy wheels 4ටම මුදල් pass කරන ලෙස letter එකක් මඟින් දැනුම්දෙන්න පුලුවන්.

Spare Parts ගන්න කලින් හිතන්න

වාහනය accident වුණාට පස්සේ අනිවාර්යයෙන්ම අවශ්‍ය spare parts ලබා ගන්න කලින් අපි insurance company එකට quotation එකක් ලබා දෙන්න ඕනේ. Insurance company එකෙන් quotation එකට approval ලැබුණට පස්සේ තමයි ඔබ අවශ්‍ය කරන spare parts මිලදී ගන්න ඕනේ. එහෙම නැතුව ඔබට කැමති විදිහට ගිහින් අවශ්‍ය කරන spare parts මිලට ගන්න එපා. මොකද සමහර විට ඔබේ සම්පූර්ණ වියදමට සරිලන විදිහට bill එක pass වෙන්නේ නැති වෙන්න පුලුවන්. ඒ නිසා ඔබ අනිවාර්යයෙන්ම spare parts මිලදී ගන්න කලින් quotation එකක් ඉදිරිපත් කරලා approval එකක් ලබා ගන්න.

ඉතින් මේ විදිහට තමයි අනතුරකින් පසු රක්ෂණ වන්දි ලබා ගන්න ඕනේ. MotorGuide අපි හිතනවා ඔබට රක්ෂණ වන්දි ලබා ගැනීම සම්බන්ධයෙන් තිබූ ගැටළු කිහිපයකටම පිළිතුරු ලැබෙන්න ඇති කියලා.