වාහන රක්ෂණ වල මොකද්ද මේ No Claim Bonus?
වාහන රක්ෂණ ගැන කතා කරද්දි කතා නොකරම බැරි දෙයක් තමයි මේ No Claim Bonus ඒ නිසා Motor Guide අපි හිතුව ඒ ගැන කතා කරන්න. මේක ඇත්තටම ඔබට ලැබෙන හොඳම තෑග්ගක් වගේ දෙයක්. සරලවම කිව්වොත්, "No Claim Bonus" කියන්නේ ඔබ ඔබේ වාහන රක්ෂණ කාලය තුළදී කිසිම Claim කිරීමක් නොකළොත් රක්ෂණ සමාගමෙන් ඔබට ඊළඟ අවුරුද්දේ රක්ෂණය අලුත් කිරීමේදී දෙන විශේෂ වට්ටමක්.
අපි බලමු ඒක වෙන්නෙ කොහොමද කියල. ඔබ අවුරුද්දක් පුරා ඉතා ප්රවේශමෙන් වාහනය පදවාගෙන ගිහින්, පොඩි හෝ ලොකු අනතුරක් නිසා රක්ෂණ සමාගමෙන් කිසිම මුදලක් ඉල්ලුවේ නැත්නම්, ඒකෙන් රක්ෂණ සමාගමට ලාභයක්. ඒ නිසා තමයි ඔවුන් ඔබව දිරිමත් කරන්න මේ වට්ටම ඔබට දෙන්නේ. සාමාන්යයෙන්, පළමු වසරේදී Claim කිරීමක් නොකළොත්, ඊළඟ වසරේ රක්ෂණ වාරිකයට (Premium එකට) 20% ක් වගේ වට්ටමක් ලබාගන්න පුළුවන්. ඒ වගේම ඔබ ඊළඟ වසරෙත් කිසිම Claim එකක් නොකළොත්, මේ වට්ටම් ප්රතිශතය ඊට වඩා වැඩි වෙනවා (උදාහරණයක් ලෙස 25%, 35% ආදී වශයෙන්). මේක අඛණ්ඩව අවුරුදු ගණනක් ගියාම 50% ක් වගේ ඉහළ අගයක් දක්වා වැඩි වෙන්න පුළුවන්. බොහෝ රක්ෂණ සමාගම් වල, මේ වට්ටමට උපරිම සීමාවල ඒ කියන්නෙ 60% හෝ 70% වැනි සීමාවල පවතිනවා.
NCB යනු ඉතාම වටිනා වට්ටමක් නිසා, එය නැතිවී යාම ගැන සැලකිලිමත් වීම වැදගත්. ඔබ රක්ෂණ කාලය තුළදී ඔබේ රක්ෂණය යටතේ Own Damage Claim එකක් දැම්මොත්, ඔබේ සම්පූර්ණ NCB වට්ටම නැතිවී, ඊළඟ වසරේදී නැවත 0% හෝ පළමු ස්ථරයේ ඒ කියන්නෙ 20% සිට නැවත පටන් ගන්න සිද්ධ වෙනවා. ඔබ වරදකරු වුවද, තෙවන පාර්ශ්වයකට පමණක් හානි වූ Claim එකක් නිසා ඔබේ NCB එකට සාමාන්යයෙන් හානියක් වෙන්නේ නැහැ. ඒ වගේම ඔබ දිගින් දිගටම වසර 5කට වඩා වැඩි කාලයක් NCB ලබාගෙන සිටිනවා නම්, සමහර රක්ෂණ සමාගම්වල නීතිවලට අනුව, ඔබ Claim කළත්, ඔබේ NCB එක මුළුමනින්ම නැති නොවී සුළු ප්රමාණයක් (උදාහරණයක් ලෙස වසර තුනක වට්ටමක්) පමණක් අඩු වී ඉතිරිය තියාගන්න අවස්ථාව ලැබෙනවා. මේක සමාගමෙන් සමාගමට වෙනස් වෙනවා.
සමහර රක්ෂණ සමාගම් ඉතා කුඩා අමතර වාරිකයක් ගෙවූ විට, වසරකට එක් Claim එකක් දැමුවත් ඔබේ NCB එක 50% වැනි ඉහළ ප්රතිශතයක් නැති නොවී ආරක්ෂා කර දෙන විශේෂිත රක්ෂණ අතිරේක ආවරණ (Add-ons) පිරිනමනවා. මේක ඉහළ NCB එකක් ඇති අයට ඉතාම ප්රයෝජනවත් වෙනවා.
මේ NCB එකේ තියන තවත් වාසියක් තමයි ඔබ පැරණි වාහනය විකුණා අලුත් වාහනයක් ගත්තත්, ඔබ උපයාගත් NCB වට්ටම අලුත් වාහනයේ රක්ෂණ වාරිකයට මාරු කරගෙන යාමේ හැකියාව තිබෙනවා. මේ වට්ටම අයිති වෙන්නේ වාහනයට නොව, රක්ෂණ ඔප්පුවේ හිමිකරුටයි. එය රක්ෂණ සමාගමෙන් සමාගමට වෙනස් වෙනවා.
- ලංකාවේ බොහෝ රක්ෂණ සමාගම් දැන් කුඩා අමතර ගෙවීමක් යටතේ ඔබේ NCB එක ආරක්ෂා කර දෙන විශේෂ පහසුකම් (Add-ons) පිරිනමනවා. මෙය විශේෂයෙන්ම 50% වැනි ඉහළ NCB ප්රතිශතයක් උපයාගෙන ඇති අයට ඉතා වටිනවා.
- බොහෝ විට, වාහනයේ ඉදිරිපස හෝ පිටුපස වීදුරුව පමණක් කැඩීම. වෙනත් හානියක් නොමැති නම් ඒ සඳහා කරන Claim එකකට NCB බලපාන්නේ නැත.
- ස්වාභාවික විපතකින් සිදුවන හානි සඳහා Claim කළත් NCB අහිමි නොවන ආකාරයේ විශේෂ ආවරණ සමහර සමාගම් පිරිනමයි.
ඔබේ වාහනයේ වර්තමාන වෙළඳපල වටිනාකම මත මූලික වාරිකය ගණනය කරන අතර, ඉන් පසුවයි මෙම NCB වට්ටම අඩු කරන්නේ. ඒ නිසා, NCB 50%ක් තිබුණත්, වාහනයේ වටිනාකම වැඩිවී ඇත්නම්, ඔබ ගෙවන මුදල සුළු වශයෙන් වැඩි වීමට ඉඩ තිබේ. ඒ වාගේම ඔබ Claim එකක් දැමුවත්, "Deductible" (වාහන හිමිකරු දරණ අවම මුදල) ගෙවීමට ඔබට සිදුවේ. නමුත් ඔබ NCB ආරක්ෂක Add-on එකක් භාවිතා කළහොත්, ඔබට Deductible ගෙවා NCB එක රැක ගැනීමට පුළුවන්. ඔබ වසරක් පුරා ඔබේ වාහනය භාවිතා නොකළත්, රක්ෂණය අලුත් කිරීමේදී NCB එක ලබා ගැනීමට ඔබට අයිතියක් තිබිය හැකිය.
මේ විස්තර වලින් ඔබට No Claim Bonus එකේ වටිනාකම සහ එය ආරක්ෂා කර ගත යුතු ආකාරය ගැන පැහැදිලි අවබෝධයක් ලැබෙන්න ඇති කියලා හිතනවා.
