දුම් සහතිකයක් ලබා ගත යුත්තේ ඇයි?

ශ්‍රී ලංකාවේ මහා මාර්ගයක නීත්‍යානුකූලව වාහනයක් පදවන්න නම් ලිපි ලේඛණ කිහිපයක් අවශ්‍ය වෙනවා. ඒ අතරින් එකක් තමයි දුම් සහතික පරීක්ෂා වාර්තාව කියන්නේ. ඇත්තටම දුම් සහතික පරීක්ෂා වාර්තාව කියන්නේ ඔබේ වාහනයෙන් පරිසරයට වෙන හානිය පිළිබඳ තත්ව වාර්තාවක්. හැබැයි ගොඩක් අය දුම් සහතික වාර්තාව ලබා ගන්නේ ආදායම් බලපත්‍රය ලබා ගැනීමේ අරමුණින්. ඉතින් ඒ නිසා MotorGuide අපි හිතුවා දුම් සහතිකයක් ලබා ගත යුත්තේ ඇයි කියලා ඔබව දැනුවත් කරන්න.

දුම් සහතික වාර්තාවේ මොනවද තියෙන්නේ?

දුම් පරීක්ෂණයකදී සිදු වන්නේ HC සහ Carbon monoxide ප්‍රමාණය පරීක්ෂා කිරීමයි. HC ප්‍රමාණය අඩු වූ විට සමත් වීමට හැකි අතර Carbon monoxide ප්‍රමාණය 3ට වැඩිය අඩු විය යුතුයි.

Air filter එක කර වීම හෝ පරණ වීම නිසා මෙම අගයන් අඩු වෙන්න පුලුවන්. එහෙමත් නැත්නම් service කරන්න ප්‍රමාද වීමත් මෙයට තව හේතුවක්.

දුම් වාර්තාව පාස් වුණා කියන්නේ ඔබේ වාහනය ලංකාවේ අනුමත විෂ වායු ප්‍රමාණයන් අභිබවා ගොස් නැති බවයි. දුම් වාර්තාව fail වුණා කියන්නේ විෂ වායු ප්‍රමාණයන් අනුමත ප්‍රමාණයන්ට වඩා වැඩියි කියන එකයි.

දුම් සහතික පරික්ෂාවට අවශ්‍ය දේවල්

• වාහනයේ පොත
• වාහනය ලීස් කර ඇත්නම් ලීසිං සමාගම විසින් සහතික කළ පොතේ පිටපතක්
• වාහනය සඳහා අය කරන අදාළ මුදල

දුම් පරීක්ෂාවට පෙර

• වාහනයේ engine number එක සහ chassis number එක නිවැරදිව සටහන් වී ඇත්දැයි පරීක්ෂා කරන්න
• වාහනයේ සයිලන්සර් එක සිදුරු නැතිව නිවැරදිව තිබේදැයි පරීක්ෂා කරන්න
• වාහනයේ gas cup එක සහ fan belts හොඳ තත්වයේ ඇත්දැයි පරීක්ෂා කරන්න
• වාහනයේ oil, වතුර වල සහ coolant වල leak එකක් ඇත්දැයි පරීක්ෂා කරන්න
• වාහනයේ air filter එක සහ petrol filter එක හොඳින් පිරිසිදු කරගන්න
• වාහනයේ spark plugs සහ wires හොඳින් පිරිසිදු කරගන්න
• වාහනයේ ඉන්ධන සහ වාත අනුපාතය නිසියාකරව තිබේදැයි පරීක්ෂා කරන්න
• වාහනයේ vacuum horses block වී ඇත්දැයි පරීක්ෂා කරන්න

දුම් පරීක්ෂාව සමත් වෙන්න පුලුවන් ක්‍රම

• Air cleaner එක පිරිසිදු කරන්න
• Spark plugs සහ wires හොඳින් පිරිසිදු කරන්න
• දුම් පරීක්ෂණය සඳහා පැමිණි පසු සියලු උපාංග නිවා දමන්න
• වාහනයේ engine එක පණ ගන්වා ගන්න
• වාහනයේ engine oil මාරු කරන්න

ඉතින් මේ දේවල් තමයි ඔබ දුම් පරික්ෂා වාර්තාව ගැන දැනගත යුතු දේවල්. ඒ වගේම MotorGuide අපි කිව්ව විදියට කිසිම අවස්ථාවක දුම් පරීක්ෂාවට ගොස් සිටින අතරතුරදී වාහනයේ accessories, එනම් AC එක, lights, wipers, heaters සහ radio වගේ දේවල් අනිවාර්යයෙන්ම ක්‍රියා විරහිත කර තැබීමට මතක තබා ගන්න.