Fisker Alaska electric pick-up රථය Europe market එක සඳහා Kayak ලෙස නම් කෙරේ

නමක් එහෙමත් නැත්නම් Brand name එකක් වෙනස් කරනවා කියන එක ලේසි පහසු දෙයක් නෙවෙයි. මොකද මේ වෙනස් කිරීම් නිසාම කලින් තිබ්බ පුද්ගල ආකර්ෂණය, වෙළදාම වගේ දේවල් වුණත් අඩු වෙන්න පුලුවන්. හැබැයි Fisker කියන මෝටර් රථ සමාගම මේ අවදානම අරගත්තා.ඉතින් අද MotorGuide Weekly News තුළින් අපි ඔබට කියන්නේ Fisker Alaska electric pick-up රථය, Europe market එක වෙනුවෙන් නම වෙනස් කරපු ආකාරය ගැනයි.

Fisker Alaska නමැති electric pick-up truck එක European market එක සඳහා යුරෝපීය වෙළඳපොල සඳහා Fisker Kayak ලෙස නම් කර තිබෙනවා. මෙම රථය 2025 සිට යුරෝපයේ විකිණීමට නියමිතයි.

මෙසේ නම වෙනස් කිරීමට හේතුව ලෙස American brand එක කියා සිටියේ, අලුත් නම European buyers ලාට හොඳින් ගැළපෙන බවයි.

නමුත් තවමත් European pricing එක සහ අපනයන පරිමාව ගැන තහවුරු කරලා නම් නැහැ. Fisker කලින් හෙළි කළේ එක්සත් ජනපද වෙළඳපලේ Alaska ඩොලර් 45,400 සිට ඩොලර් 41,060 දක්වා හෝ පවුම් 35,725 ට සමාන වන බවයි.

ඒ වගේම රියදුරන්ට battery options දෙකක් තෝරා ගැනීමේ හැකියාවත් තියෙනවා. ඒ 75kWh සහ 113kWh යි. Fisker පවසන්නේ Kayak සම්මත බැටරිය සමඟ සැතපුම් 230 ක පරාසයක් සහ Hyper Range එක සමඟ සැතපුම් 340 ක් පමණ ලබා දෙන බවයි.

Kayak 2025 දී ප්‍රතිවාදීන් කිහිප දෙනෙක් සමඟම තරග කිරීමට සූදානම් වී සිටිනවා. මේ ප්‍රධාන තරඟයට Ford F-150 Lightning, Rivian R1T සහ Tesla Cybertruck ඇතුළත් වෙන බව තමයි සඳහන් වන්නේ.

Product Vision දිනයේදී අදහස් දක්වමින් Henrik Fisker පැවසුවේ “අපට අවශ්‍ය වූයේ pick-up truck රථයේ efficiency සහ usability එක වැඩි කරමින් pick-up එක වැඩි කිරීමට" යන්නයි.

ඉතින් මේ විදිහට තමයි අලුත් වාහන වෙළඳපොළ ඉලක්ක කරගෙන Fisker Alaska තමන්ගේ නම වෙනස් කළේ. මේ වගේ වාහන ලෝකයේ අලුත් පුවත් සමඟින් අපි නැවත හමුවෙමු.