ගංවතුරට අහුවුන වාහනයක ඇතුලත සහ පිටත නිවැරදිව පිරිසිදු කරමු.
ගංවතුරට අහුවුන වාහනයක ඇතුලත සහ පිටත නිවැරදිව පිරිසිදු කරමු
අපි කතා කරන්න යන්නෙ වාහනයේ අභ්යන්තරය සහ බාහිර කොටස් පිරිසිදු කිරීම සහ වියළීම ගැනයි. ගංවතුරෙන් පසු වාහනයක් තුළ ඉතිරි වන්නේ ජලය පමණක් නොවෙයි. මඩ, අපද්රව්ය, තෙල්, රසායනික ද්රව්ය සහ බැක්ටීරියා මිශ්ර වූ භයානක මිශ්රණයකි. මෙය නිසි ලෙස ඉවත් නොකළහොත් දිලීර (Mold) ඇති වී වාහනයේ දිගු කාලීන වටිනාකමට සහ එහි ගමන්කරුවන්ගේ සෞඛ්යයට හානි කරයි.
අභ්යන්තරය හරියට පිරිසිදු කරන්නෙ කොහොමද?
අභ්යන්තරය වියළීමේදී ප්රධාන අරමුණ වන්නේ තෙතමනය සහ අපද්රව්ය ඉවත් කිරීම සහ දිලීර ඇතිවීම වැළැක්වීමයි.
වාහනයේ ආසන හැකි ඉක්මනින් ගලවා පිටතට ගෙන යන්න. මඩ සහ අපද්රව්ය ඇත්නම් ඒවා හොඳින් සෝදන්න. ආසන කුෂන් තුළ ජලය රඳා පවතින බැවින් ඒවා නිසි ලෙස වියළීම අනිවාර්යයි.
වාහනයේ බිම ඇති කාපට් ඉවත් කර සම්පූර්ණයෙන්ම වියළන්න. කාපට් යට ඇති ශබ්ද අවශෝෂක ද්රව්ය (Sound Dampening Material) ජලය බහුලව උරා ගන්නා බැවින් ඒවා හොඳින් වියළිය යුතුය. අවශ්ය නම් ප්රතිස්ථාපනය කරන්න.
ඉවත් කළ කාපට් සහ ආසන හොඳ ඩිටර්ජන්ට් (Detergent) සහ විෂබීජ නාශක (Disinfectant) යොදා සෝදා පිරිසිදු කරන්න. ගංවතුර ජලයේ අපද්රව්ය ඉවත් කිරීම අත්යවශ්යයි. වාහනයේ බිම (Floor) හොඳින් සෝදා මලකඩ ඇතිවීම වළක්වා ගන්න.
ගන්ධය සහ දිලීර පාලනය
පිරිසිදු කිරීමෙන් පසු දිලීර සහ දුර්ගන්ධය ඇති කරන බැක්ටීරියා විනාශ කිරීමට විශේෂිත විෂබීජ නාශක ද්රව්යයක් භාවිතා කරන්න.
වායු සමීකරණය (AC Vents) පිරිසිදු කිරීම
AC පද්ධතියේ වාතාශ්රය මාර්ග තුළද තෙතමනය සහ දිලීර ඇතිවිය හැකි බැවින් ඒවා පිරිසිදු කිරීමට විශේෂඥයෙකුගේ සහය ලබාගන්න.
කාර්යක්ෂම වියළීම (The Drying Process)
නිසි ලෙස වියළා නොගැනීමෙන් මාස කිහිපයකට පසු වාහනය තුළ දුර්ගන්ධ සහ දිලීර ඇතිවිය හැකිය. වාහනයේ දොරවල් විවෘත කර විදුලි පංකා හෝ Dehumidifier යන්ත්ර භාවිතා කිරීමෙන් වාතය සංසරණය කර තෙතමනය ඉවත් කරන්න.
වාහනය සම්පූර්ණයෙන්ම වියළීමට දින කිහිපයක් හෝ සතියක් ගතවිය හැකිය. සියලුම කොටස් 100% වියළී ඇති බව තහවුරු වන තුරු ආසන සහ කාපට් නැවත සවිකරන්න එපා.
බාහිර හා යටි කොටස් පිරිසිදු කිරීමට කාර්මික සහය
ඇතැම් සේවා මධ්යස්ථානවල වාහන ඔසවා යටි කොටස් පිරිසිදු කිරීමේ පහසුකම් ඇත. මෙම අවස්ථාවේදී ඔවුන්ගේ සහය ලබාගැනීම සුදුසුය. පීඩන සේදුම් යන්ත්ර (Pressure Washer) භාවිතා කර යටි කොටස් හොඳින් සෝදා තිරිංග, Suspension පද්ධතිය සහ රාමුව අතර සිරවී ඇති මඩ ඉවත් කරන්න.
පිරිසිදු කිරීමෙන් පසු, වාහනයේ යටි කොටසට සහ දොරවල්වල අභ්යන්තරයට මලකඩ නාශක ද්රව්ය (Rust Protection Coating) යෙදීමෙන් ලෝහ කොටස්වල දීර්ඝකාලීන ආරක්ෂාව ලබා ගත හැකියි.
මෙම සවිස්තරාත්මක පියවර අනුගමනය කිරීමෙන් ඔබේ වාහනය නැවත පිරිසිදු, වියළි සහ සෞඛ්යාරක්ෂිත ප්රවාහන මාධ්යයක් බවට පත් කර ගත හැකියි.
ලියන ලද්දේ
Nisaga Sandaru
A versatile and highly experienced professional, currently an Automobile undergraduate at the University of Jaffna, with strong technical expertise grounded in hands-on work as a technician with SriLankan Airlines Ground Support Equipment (GSE). Holding an Automobile NVQ Level 3 qualification, along with specialized certifications in Vehicle ECU Programming and Diagnosis, and extensive experience in arc welding and vehicle body painting, and well equipped to handle complex automotive, diagnostic, and fabrication-related tasks with a high level of competence.
