Fuel injectors dirt වුණොත් engine performance එකට වෙන බලපෑම හදුනාගනිමු

අද motor guide අපි අද කතා කරන්න යන්නෙ වාහනයක engine එකේ ඉතා වැදගත් කොටසක් වන fuel injectors ගැනයි. විශේෂයෙන්ම මේ fuel injectors dirt වුණොත්, එහෙමත් නැත්නම් කුණු දූවිලි හෝ carbon deposits බැඳිලා අවහිර වුණොත්, ඔයාගේ වාහනයේ engine performance එකට මොන වගේ බලපෑමක්ද වෙන්නේ කියන එක ගැන තමයි අද අපි සරලවම කතා කරන්නේ.
මුලින්ම අපි බලමු මොකක්ද මේ fuel injector එකකින් ඇත්තටම වෙන්නේ කියලා. සරලවම කිව්වොත්, fuel tank එකේ ඉඳන් එන petrol හෝ diesel, engine එකේ combustion chamber එක ඇතුළට ඉතාම සියුම් මීදුමක් (fine mist) වගේ spray කරන එක තමයි fuel injector එකේ ප්රධානම රාජකාරිය. මේ විදිහට fine mist එකක් විදිහට fuel spray වුණොත් විතරයි, වාතයත් එක්ක හොඳට mix වෙලා සම්පූර්ණ දහනයක් (complete combustion) සිද්ධ වෙන්නේ. ඒ හරහා තමයි වාහනයට හොඳ power එකක් වගේම හොඳ fuel efficiency එකක් ලැබෙන්නේ.
හැබැයි කාලයක් යද්දී අපි පාවිච්චි කරන fuel වල තියෙන අපද්රව්ය නිසා වගේම, engine එක ඇතුළේ ඇතිවෙන carbon deposits නිසා මේ injectors වල තියෙන ඉතාම සියුම් සිදුරු (nozzles) අවහිර වෙන්න පටන් ගන්නවා. අන්න එහෙම injectors dirt වුණාම වාහනයේ engine performance එකට ලොකු බලපෑමක් එල්ල වෙනවා. අපි බලමු ඒ ප්රධාන බලපෑම් මොනවද කියලා.
පළවෙනිම දේ තමයි. වාහනයේ pickup එක සහ power එක අඩු වීම. ඔයා accelerator එක පාගද්දී වාහනය ඉස්සර වගේ ඉක්මනට ඉදිරියට ඇදෙන්නේ නැතුව, පොඩි hesitation එකක් හරි ගැස්සීමක් (jerking) එකක් හරි දැනෙන්න පුළුවන්. විශේෂයෙන්ම කන්දක් නගිද්දී හෝ වෙනත් වාහනයක් overtake කරන්න යද්දී වාහනයට අවශ්ය power එක නැහැ කියල ඔයාට හොඳටම දැනෙයි. මේකට හේතුව තමයි, injector එක අවහිර වෙලා නිසා engine එකට අවශ්ය නියමිත fuel ප්රමාණය වෙලාවට නොලැබෙන එක.
දෙවෙනි කාරණය තමයි. engine misfiring සහ rough idling. Injector එකක් හරියට වැඩ කරන්නේ නැති වුණාම, සමහර cylinders වලට fuel ලැබෙන එක අඩු වෙනවා. එතකොට engine එකේ දහනය අක්රමවත් වෙලා engine එක misfire වෙන්න පටන් ගන්නවා. වාහනය traffic එකක නවත්තලා තියෙද්දී, එහෙමත් නැත්නම් idle එකේ තියෙද්දී වාහනය අසාමාන්ය විදිහට දෙදරනවා (vibrate වෙනවා) වගේම RPM needle එක උඩ පහළ යනවා ඔයාට දකින්න පුළුවන්.
තුන්වෙනුවට බලපාන දේ තමයි. ඉන්ධන පරිභෝජනය (fuel consumption) වැඩි වීම. ගොඩක් අය හිතන්නේ injector එකක් block වුණාම fuel යන එක අඩු වෙන නිසා තෙල් පිච්චෙන එක අඩු වෙයි කියලා. නමුත් ඇත්තටම වෙන්නේ ඒකේ අනිත් පැත්ත. Injector එක dirt වුණාම fuel spray වෙන්නේ මීදුමක් වගේ නෙවෙයි, බිංදු බිංදු (dribbling) විදිහට. එතකොට fuel හරියට දහනය වෙන්නේ නැහැ. ඒ නිසා engine එකේ power එක අඩු වෙනකොට, වාහනයේ ECU (Engine Control Unit) එක හිතන්නේ fuel මදි කියලා. ඒ නිසා ECU එකෙන් තව තවත් fuel injectors වලට යවන්න උත්සාහ කරනවා. අවසානයේදී වෙන්නේ වාහනයේ තෙල් වැඩ කරන ප්රමාණය (fuel economy) ගොඩක් පහළ බහින එකයි.

හතරවෙනි බලපෑම තමයි. වාහනය start කරන්න අමාරු වීම (hard starting). විශේෂයෙන්ම උදේ පාන්දර වාහනය cold start කරද්දී, engine එක පණගැන්වෙන්න වෙනදට වඩා වැඩි වෙලාවක් crank කරන්න සිද්ධ වෙනවා. සමහර වෙලාවට injector එකක් dirt වෙලා හරියට වැහෙන්නේ නැතුව තිබුණොත්, engine එක off කළාට පස්සෙත් cylinder එක ඇතුළට fuel leak වෙන්න පුළුවන්. ඒ නිසා ඊළඟ පාර start කරද්දී වාහනය start වෙන්නේ නැතුව හිර වෙන ගතියක් එන්න පුළුවන්.
මේ සේරටම දෝෂ වලට අමතරව, dashboard එකේ Check Engine Light එක පත්තු වෙන්නත්, exhaust එකෙන් කළු දුම් (black smoke) පිටවෙන්නත් පුළුවන්. මේක දිගටම තිබුණොත් catalytic converter එකට පවා හානි වෙන්න ඉඩ තියෙනවා.
අවසාන වශයෙන් motor guide අපේ උපදෙස තමයි, හැමවෙලේම විශ්වාසවන්ත filling station එකකින් පිරිසිදු fuel ගහන්න වගබලා ගන්න. ඒ වගේම වාහනයේ fuel filter එක නියමිත service interval එකේදී මාරු කරන්නත්, කිලෝමීටර් 10,000 කට හෝ 15,000 කට වරක් හොඳ තත්ත්වයේ fuel injector cleaner additive එකක් fuel tank එකට එකතු කරන්නත් අමතක කරන්න එපා. එහෙම කළොත් ඔයාට injectors ලොකු වියදමක් දරලා repair කරන්න හෝ replace කරන්න වෙන එක වළක්වා ගන්න පුළුවන්.
ඒ වගේම මේ වගේ නවීන වාහන ගැන සහ තාක්ෂණික තොරතුරු දැනගන්න Motor guide එක්ක එකතු වෙලා ඉන්න කියලත් මතක් කරනවා.

ලියන ලද්දේ
Nisaga Sandaru
A versatile and highly experienced professional, currently an Automobile undergraduate at the University of Jaffna, with strong technical expertise grounded in hands-on work as a technician with SriLankan Airlines Ground Support Equipment (GSE). Holding an Automobile NVQ Level 3 qualification, along with specialized certifications in Vehicle ECU Programming and Diagnosis, and extensive experience in arc welding and vehicle body painting, and well equipped to handle complex automotive, diagnostic, and fabrication-related tasks with a high level of competence.






































