Brake pads සහ brake discs අතර වෙනස සහ මාරු කරන කාලය හදුනාගනිමු.
Motor Guide අපි අද කතා කරන්න යන්නෙ අපේ වාහනයක තියෙන වැදගත්ම, ඒ වගේම අපේ ජීවිත ආරක්ෂාවට 100%ක්ම වගකියන ප්‍රධානම පද්ධතියක් ගැනයි. ඒ තමයි වාහනයේ තිරිංග පද්ධතියේ එන Brake pads සහ brake discs අතර තියෙන තාක්ෂණික වෙනස මොකක්ද, වගේම මේවා මාරු කරන්න ඕනේ නියමිත කාල පරාසයන් මොනවාද කියන කාරණය. අපි හැමෝම දන්නවා වාහනයක් කොච්චර වේගයෙන් පැදෙව්වත් වැඩක් නැහැ, හදිසි අවස්ථාවකදී නතර කරගන්න බැරි වුණොත් සිද්ධ වෙන්නේ මහා විනාශයක්. බොහෝ දෙනෙක් සර්විස් එකකට ගියාම brake pads ගැන ඇහුවත්, brake discs ගැන එතරම් සැලකිලිමත් වෙන්නේ නැහැ. හැබැයි මේ කොටස් දෙකම එකිනෙකට සම්බන්ධ වෙලා වැඩ කරන රටාව සහ ඒවා නිසි කලට මාරු කරන එක වාහනයේ බ්‍රේක් බලය උපරිමයෙන්ම පවත්වා ගන්න අත්‍යවශ්‍යම දෙයක්. අද අපි මේ දෙකේ වෙනස සහ නඩත්තු රහස් ගැන කතා කරමු.
සරලවම කිව්වොත්, Brake discs හෙවත් brake rotors කියන්නේ වාහනයේ රෝද සමඟම එකට කැරකැවෙන යකඩ තැටිවලටයි. අනිත් අතට Brake pads කියන්නේ රියදුරු බ්‍රේක් පැඩලය පාගනකොට, අර කැරකෙන යකඩ තැටිය දෙපැත්තෙන් තදින් අල්ලගෙන් රෝදවල වේගය පාලනය කරන ඝර්ෂණ කොටස් දෙකටයි (Friction Material). අපි බ්‍රේක් පාගන හැම වෙලාවකම brake caliper එක මඟින් සිදු කරන්නේ මේ brake pads දෙක තදින්ම ක්‍රියාත්මක කරලා, කැරකෙන brake discs මතුපිට ඇතිල්ලීමට සැලැස්වීමයි. මේ ක්ෂේත්‍රයේ ඉන්න අය විදියට අපි දකින දෙයක් තමයි, මෙම ඇතිල්ලීම නිසා හටගන්නා අධික ඝර්ෂණය සහ තාපය හේතුවෙන් තමයි වාහනයේ වේගය ක්ෂණිකව අඩු වෙලා වාහනය නතර වෙන්නේ.
මෙම කොටස් දෙකෙහි වෙනස වගේම, මේවා මාරු කළ යුතු නිවැරදි කාල සීමාවන් (Replacement intervals) එකිනෙකට හාත්පසින්ම වෙනස්
පළමුවෙන්ම අපි Brake pads මාරු කරන කාලය ගැන බලමු.
බ්‍රේක් පද්ධතිය ඇතුළේ හැමවිටම මුලින්ම සහ වේගයෙන්ම ගෙවී යන්නේ මේ brake pads. මොකද මේවා නිපදවන්නේ සෙරමික් හෝ මෙටලික් වැනි සාපේක්ෂව මෘදු ඝර්ෂණ ද්‍රව්‍යවලිනුයි. සාමාන්‍යයෙන් ධාවන පුරුදු සහ පාරවල්වල තත්ත්වය අනුව සෑම කිලෝමීටර් 30,000ත් 50,000ත් අතර කාලයකදී වාහනයක ඉදිරිපස brake pads මාරු කිරීමට සිදු වෙනවා. නගරබද දැඩි ට්‍රැෆික් එකේ නිතරම පදවන වාහනවල මේවා මීට වඩා කලින් ගෙවී යන්න පුළුවන්. ඔබේ වාහනය බ්‍රේක් කරද්දී "කිරි කිරි" වැනි ලෝහමය ශබ්දයක් (Squealing noise) ඇසෙන්න ගත්තොත් හෝ බ්‍රේක් ඔයිල් මට්ටම එකපාරටම අඩු වුවහොත් එයින් කියවෙන්නේ brake pads සම්පූර්ණයෙන්ම ගෙවී ඇති බවයි.
දෙවැනිව අපි Brake discs මාරු කරන කාලය ගැන බලමු. මේවා ඝන යකඩවලින් හදන නිසා ඉතාම ශක්තිමත් වගේම ගෙවී යන්නේ ඉතාම සෙමින්. සාමාන්‍යයෙන් brake pads කට්ටල දෙකක් හෝ තුනක් මාරු කරන කොට තමයි එක වතාවක් brake disc එකක් සම්පූර්ණයෙන්ම මාරු කරන්න සිද්ධ වෙන්නේ. ඒ කියන්නේ සෑම කිලෝමීටර් 80,000ත් 120,000ත් අතර දීර්ඝ කාලයකදී තමයි මේවා මාරු කරන්නේ. හැබැයි ඔබ ගෙවුණු brake pads නියමිත කාලයට මාරු නොකර දිගටම පැදවුවහොත්, එහි ඇති යකඩ කටු කෙළින්ම brake discs මත ඇතිල්ලිල තැටිය මත ගැඹුරු ඉරි ඇතිවෙන්න පුළුවන් (Scratches & Grooves). එහෙම වුණොත් කිලෝමීටර් 80,000ක් දුවන්න තියෙන ඩිස්ක් එක ඊට ගොඩක් කලින් මාරු කරන්න වෙනවා.
තවත් වැදගත් තාක්ෂණික කරුණක් වන්නේ, අධික වේගයෙන් යන ගමන් බ්‍රේක් පාගන විට වාහනයේ ස්ටියරින් වීල් එක තදින්ම ගැස්සෙනවා නම් (Steering wheel vibration), එයින් අදහස් කරන්නේ අධික රස්නය නිසා ඔබේ brake discs ඇද වෙලා කියන එක (Warped rotors). ඒ වගේ අවස්ථාවකදී ඩිස්ක් එකේ ඝනකම ප්‍රමාණවත් මට්ටමක තියෙනවා නම්, lathe machine එකක් ආධාරයෙන් එය මතුපිට සුමට කර නැවත පාවිච්චි කරන්න පුළුවන් (Disc facing). හැබැයි නිෂ්පාදකයා නිර්දේශ කරන අවම ඝනකම් සීමාවට (Minimum thickness specification) වඩා ඩිස්ක් එක තුනී වෙලා නම් ඒක අනිවාර්යයෙන්ම අලුතින්ම දාන්න වෙනවා.
Motor Guide අපේ උපදෙස තමයි, ඔබ ඔබේ වාහනයට අලුතින්ම brake pads මාරු කරන හැම වෙලාවකම, brake discs මතුපිට හොඳින් පරීක්ෂා කරල බලන්න. ඩිස්ක් එකේ මතුපිට රළු වෙලා හරි ඇද වෙලා හරි තියෙද්දිම අලුත් පැඩ්ස් දැම්මොත්, ඉතාම කෙටි කාලයකින් අලුත් පැඩ්ස් ටිකත් ගෙවිල යනව වගේම බ්‍රේක් ලෙඩදීම් දිගටම ඇතිවෙන්න පුළුවන්. සෑම විටම අලුත් pads දානකොට ඩිස්ක් එක face කර ගැනීමට හෝ අවශ්‍ය නම් ඩිස්ක් එකත් මාරු කිරීමට ලෝභ වෙන්න එපා. ඒ වගේම බ්‍රේක් පද්ධතිය නඩත්තු කිරීමේදී නියමිත ප්‍රමිතියෙන් යුතු OEM හෙවත් original equipment manufacturer කොටස් පමණක් භාවිත කිරීම ඔබේත්, ඔබේ පවුලේ අයගේත් ජීවිත ආරක්ෂාවට අතිශය වැදගත් කාරණයක් වෙනවා. ඒ වගේම නවීන වාහන සහ තාක්ෂණය ගැන මෙවැනිම වටිනා තොරතුරු දැනගන්න හැමදාමත් අපේ Motor Guide එක්ක රැඳී ඉන්න කියලත් මතක් කරනව.
ලියන ලද්දේ
Nisaga Sandaru
A versatile and highly experienced professional, currently an Automobile undergraduate at the University of Jaffna, with strong technical expertise grounded in hands-on work as a technician with SriLankan Airlines Ground Support Equipment (GSE). Holding an Automobile NVQ Level 3 qualification, along with specialized certifications in Vehicle ECU Programming and Diagnosis, and extensive experience in arc welding and vehicle body painting, and well equipped to handle complex automotive, diagnostic, and fabrication-related tasks with a high level of competence.
