Brake pads ගෙවිලද කියල දැනගන්නෙ කොහොමද?
Motor Guide අපි අද කතා කරන්න යන්නෙ වාහනයක ආරක්ෂාවට ලෝකයේ තියෙන වැදගත්ම අංගයක් වන Brake pads ගෙවිලා ගිහින්ද කියලා හරියටම අඳුර ගන්නේ කොහොමද කියන එක ගැනයි.
වාහනයක් පදවනකොට වේගය පාලනය කරගන්න, අනතුරුවලින් බේරෙන්න බ්රේක් සිස්ටම් එක නිවැරදිව වැඩ කිරීම අත්යවශ්යයි. ඒක නිසා මේ ගැන අද අපි කතා කරන කරුණු ටික ඔයාලගේ වාහනය පාවිච්චි කරනකොට ගොඩක් වැදගත් වෙයි.
මෝටර් රථ කාර්මික ක්ෂේත්රයේ ඉන්න අය විදියට අපි දකින දෙයක් තමයි ගොඩක් වාහන හිමිකරුවන් බ්රේක් පෑඩ් ගෙවෙනකම්ම බලාගෙන ඉන්නවා කියන එක. බ්රේක් පෑඩ් කියන්නේ වාහනයක නිතරම ඝර්ෂණයට ලක්වෙන කොටසක්. රෝද වල තියෙන Brake rotor එක මතට තද වෙලා වාහනය නවත්වන්නේ මේ පෑඩ් හරහා තමයි. මේකෙදි පෑඩ් වල තියෙන ඝර්ෂණ ද්රව්ය ක්රමයෙන් ගෙවී යෑමක් සිදුවෙනවා. ඒ නිසා බ්රේක් පෑඩ් වල තත්ත්වය ගැන නිරන්තරයෙන් සැලකිලිමත් වීම මගින් ලොකු අනතුරු වළක්වා ගන්න පුළුවන්.
1. බ්රේක් පාගනකොට ඇහෙන අමුතු ශබ්දය
බ්රේක් පෑඩ් ගෙවිලා ගිහින් කියලා දැනගන්න පුළුවන් ප්රධානම සහ මුල්ම ලක්ෂණය තමයි බ්රේක් පාගනකොට ඇහෙන අමුතු ශබ්දය. මේ ක්ෂේත්රයේ ඉන්න අය විදියට අපි දන්නවා බ්රේක් පෑඩ් එකේ සීමාවටම ගෙවුණම ඒක ඇතුළේ තියෙන විශේෂ ලෝහ දර්ශකයක් බ්රේක් තැටියත් එක්ක ගැටිලා ලේනෙක් කෑගහන වගේ ශබ්දයක් නිකුත් කරනවා කියලා. ඔයාගේ වාහනේ බ්රේක් පාගනකොට මෙන්න මේ වගේ මුවහත් ශබ්දයක් එනවා නම්, ඒකෙන් පැහැදිලිවම කියන්නේ බ්රේක් පෑඩ් මාරු කරන්න කාලය හරි කියන එකයි.
2. බ්රේක් පැඩල් එකේ වෙනස්කම්
ඒ වගේම බ්රේක් පැඩල් එක පාගනකොට දැනෙන වෙනස්කම්වලිනුත් අපිට මේක අඳුරගන්න පුළුවන්. සාමාන්යයෙන් බ්රේක් පැඩල් එක පාගද්දී එක ස්ථාවර මෘදු බවක් හෝ තද බවක් තියෙන්න ඕනේ. නමුත් බ්රේක් පෑඩ් සම්පූර්ණයෙන්ම ගෙවිලා ගියොත්, ඔයාට බ්රේක් පැඩල් එක සාමාන්යයට වඩා ගොඩක් පහළට යන්න පුළුවන් බව දැනෙයි. සමහර වෙලාවට බ්රේක් පැඩල් එක ස්පොන්ජ් එකක් වගේ දැනෙන්න පුළුවන්. එහෙම නැත්නම් බ්රේක් පාගනකොට කකුලට දැනෙන වෙව්ලීමක් හෝ Vibration එකක් එනවා නම්, ඒකත් බ්රේක් පෑඩ් ගෙවී යාම හෝ බ්රේක් ඩිස්ක් එක අසමතුලිත වීම නිසා සිදුවන ලක්ෂණයක්.
3. වාහනය එක පැත්තකට ඇදීම
වාහනය පදවන අතරතුර තවත් ගොඩක් අය නොසලකා හරින නමුත් ඉතාම වැදගත් ලක්ෂණයක් තමයි වාහනය එක් පැත්තකට ඇදීම. බ්රේක් පෑඩ් අසමාන ලෙස ගෙවිලා ගියොත්, එහෙමත් නැත්නම් බ්රේක් කැලිපර් එකක දෝෂයක් තියෙනවා නම්, බ්රේක් කරනකොට වාහනය එක පැත්තකට අදින්න බලනවා. මේක රිය පැදවීමේදී ඉතාමත් අනතුරුදායක තත්ත්වයක්. මොකද හදිසි බ්රේක් කිරීමකදී වාහනය පාලනය කරගන්න බැරි වෙන්න පුළුවන්. ඒ නිසා මේ වගේ ලක්ෂණයක් දැනුණු වහාම වාහනය පරික්ෂා කරගැනීම අත්යවශ්යයි.
4. ඩෑෂ්බෝඩ් එකේ Warning Lights පත්තු වීම
අපේ අත්දැකීම් අනුව සමහර අලුත් වාහන වල ඩිජිටල් මීටර් පුවරුවේ විශේෂ Brake warning lights පවා පත්තු වෙනවා. බ්රේක් පෑඩ් වල සවිකරලා තියෙන ඉලෙක්ට්රොනික සෙන්සර් හරහා තමයි මේක සිදුවෙන්නේ. ඔයාගේ වාහනයේ ඩෑෂ්බෝඩ් එකේ මේ වගේ ලයිට් එකක් පත්තු වෙනවා නම්, කවදාවත් ඒක නොසලකා හරින්න එපා. ඒකෙන් කියන්නේ බ්රේක් පෑඩ් වල ආයු කාලය අවසන් වී ඇති බවට කෙළින්ම කරන අනතුරු ඇඟවීමක්.
5. බ්රේක් පෑඩ් වල ඝණකම පරීක්ෂා කිරීම
ඒ වගේම ඩෑෂ්බෝඩ් එකේ ලයිට් එනකම් හෝ අමුතු ශබ්ද එනකම්ම බලාගෙන ඉන්න එපා. ඇස් පෙනෙන දුරින් ටයර් අස්සෙන් රෝදයේ ඇතුළ බලලා බ්රේක් පෑඩ් වල ඝණකම කොහොමද කියලා පරීක්ෂා කරන්න පුළුවන්. සාමාන්යයෙන් අලුත් බ්රේක් පෑඩ් එකක ඝණකම මිලිමීටර් 10ත් 12ත් අතර ප්රමාණයක් තියෙනවා. ඒක මිලිමීටර් 3ක් හෝ ඊට වඩා අඩුවෙන් ගෙවිලා ගිහින් නම්, අනිවාර්යයෙන්ම අලුත් බ්රේක් පෑඩ් එකක් දාන්න කාලය හරි කියලා මතක තියාගන්න.
වාහනයක් නඩත්තු කරනකොට බ්රේක් සිස්ටම් එක කියන්නේ කිසිසේත්ම අමතක කරන්න පුළුවන් දෙයක් නෙමෙයි. බ්රේක් පෑඩ් ගෙවිලා තියෙද්දී දිගටම වාහනය පැදවීම නිසා Brake rotors වලට විශාල හානියක් වෙන්න පුළුවන්. එහෙම වුණොත් බ්රේක් පෑඩ් මාරු කරනවාට වඩා ගොඩක් වැඩි වියදමක් දරලා බ්රේක් තැටි මාරු කරන්න සිද්ධ වෙනවා. ඒ නිසා නිසි කලට බ්රේක් පෑඩ් පරීක්ෂා කරගැනීමෙන් මුදල් වගේම ඔබේ ජීවිතයත් ආරක්ෂා කරගන්න පුළුවන්.
Motor Guide අපේ උපදෙස
Motor Guide අපේ උපදෙස තමයි, කිසිම විටක බ්රේක් පෑඩ් වල තත්ත්වය සැහැල්ලුවට ගන්න එපා. හැම කිලෝමීටර් 5,000කට හෝ 10,000කට වතාවක්වත් වෘත්තීය කාර්මිකයෙක් ලවා ඔබේ වාහනයේ බ්රේක් පද්ධතිය පරීක්ෂා කරවා ගන්න. අනතුරක් සිදුවීමට පෙර ආරක්ෂාව තහවුරු කරගැනීම ඔබ සතු වගකීමක්. ඒ වගේම නවීන වාහන සහ තාක්ෂණය ගැන මෙවැනිම වටිනා තොරතුරු දැනගන්න හැමදාමත් අපේ Motor Guide එක්ක රැඳී ඉන්න කියලත් මතක් කරනව.
ලියන ලද්දේ
Nisaga Sandaru
A versatile and highly experienced professional, currently an Automobile undergraduate at the University of Jaffna, with strong technical expertise grounded in hands-on work as a technician with SriLankan Airlines Ground Support Equipment (GSE). Holding an Automobile NVQ Level 3 qualification, along with specialized certifications in Vehicle ECU Programming and Diagnosis, and extensive experience in arc welding and vehicle body painting, and well equipped to handle complex automotive, diagnostic, and fabrication-related tasks with a high level of competence.
