Turbo Charger සහ Super Charger අතර වෙනස
අද අපි ටර්බෝචාජර් සහ සුපර්චාජර් අතර වෙනස හඳුනාගනිමු.
අද වාහන ලෝකයේ වැඩිපුරම කතා කරන දෙයක් තමයි බූස්ට් (Boost) කියන වචනය. ඔබේ එන්ජිමේ කාර්යසාධනය (Performance) වැඩි කරලා, වැඩි බලයක් සහ ව්‍යවර්ථයක් (Torque) ගන්න මේ චාජර් දෙක අතිශයින්ම වැදගත්වෙනවා. නමුත් මේ ටර්බෝචාජර් සහ සුපර්චාජර් දෙකම කරන්නේ එන්ජිමට වැඩිපුර වාතය තෙරපීම (Forcing more air) වුණත්, ඒවා වැඩ කරන විදිය සම්පූර්ණයෙන්ම වෙනස්.
අපි මේ දෙකේ වෙනස සරලව සහ නිවැරදිව තේරුම් ගනිමු.
ටර්බෝචාජර් (Turbocharger)
ටර්බෝචාජරය තමයි අද බොහෝ නවීන වාහනවල භාවිතා වන කාර්යක්ෂම තාක්ෂණයක්. මෙය ක්‍රියාත්මක වන්නේ එන්ජිමෙන් පිටවන වායූන් (Exhaust Gases) වල ශක්තිය උපයෝගී කරගෙනයි. මෙහි ප්‍රධාන කොටස් දෙකක් තියෙනවා—ටර්බයින් රෝදය (Turbine Wheel) සහ කොම්ප්‍රෙෂර් රෝදය (Compressor Wheel). මේ දෙකම එකම පොදු දණ්ඩක් (Shaft) මත සවි කරලා තියෙනවා. එන්ජිමෙන් ඉවතට යන උණුසුම් පිටවන වායූන් ටර්බයින් රෝදය කරකවනවා. එය කොම්ප්‍රෙෂර් රෝදය කැරකවමින් එන්ජිමට වාතය අධික පීඩනයකින් තෙරපනවා. ටර්බයින් රෝද විනාඩියකට 300,000 RPM වගේ ඉහළ වේගයකින් පවා කැරකෙන්න පුළුවන්.
වාසි
- ඉන්ධන කාර්යක්ෂමතාව ඉතා ඉහළයි (Fuel Efficiency).
- පිටවන වායුවේ ශක්තිය නැවත භාවිතා කරන නිසා එන්ජිමට අමතර බරක් නැහැ.
- කුඩා එන්ජමකින් විශාල බලයක් ලබාගන්න පුළුවන්.
අවාසි
- Turbo Lag — පිටවන වායූන් ටර්බයින් එකට බලපාන තුරු ප්‍රමාදයක් ඇතිවෙන්න පුළුවන්.
- වෙනස් තාපය නිසා Intercooler එකක් අවශ්‍ය වෙනවා.
- ඉතා උණුසුම්ව වැඩ කරන නිසා නිතර නඩත්තු අවශ්‍යයි.
සුපර්චාජර් (Supercharger)
සුපර්චාජරය ටර්බෝට වඩා පැරණි තාක්ෂණයක්. මෙය ක්‍රියාත්මක වන්නේ එන්ජිමේ Crankshaft එකට හෝ පටි (Belt) සහ පුලි (Pulley) මගින් සම්බන්ධවෙන පද්ධතියක් ලෙසයි. එන්ජිම කැරකෙන විට සුපර්චාජරයත් කැරකෙමින් වාතය සෘජුවම එන්ජිමට තෙරපනවා.
සුපර්චාජර් දෙවර්ගයක් ලෙස හඳුනාගන්න පුළුවන්:
- Positive Displacement (Roots / Twin-Screw)
- Dynamic (Centrifugal)
Positive Displacement Superchargers
මෙම වර්ගයේ සුපර්චාජර්ස්වලදී එන්ජිමේ RPM අඩු වුණත් නියත පීඩනයක් ලබාගන්න පුළුවන්. මේවා වාතය අරගෙන එන්ජිමට සෘජුවම තල්ලු කරන පොම්පයක් වගේ ක්‍රියා කරනවා.
වාසි
- පහළ RPM වලදී ඉතා හොඳ Torque ලැබෙනවා.
- Instant Boost — ඇක්සලරේටරය යෙදූ සැණින් බූස්ට් එක ලැබෙනවා.
අවාසි
- ඉහළ RPM වලදී වැඩි තාපය නිපදවයි.
- සමහර Roots වර්ග වැඩි ශබ්දයක් ඇති කරනවා.
Dynamic (Centrifugal) Superchargers
මෙවල වැඩ කරන විදිහ ටර්බෝචාජරයට සමානයි. මෙහි ඉම්පෙලරයක් (Impeller) වේගයෙන් කැරකෙමින් වාතය ඇදගෙන අධික වේගයකින් එන්ජිමට තල්ලු කරනවා. එන්ජිමේ RPM වැඩි වන තරමට Boost එක වැඩි වෙනවා.
වාසි
- ඉහළ RPM වලදී ඉතා කාර්යක්ෂමයි.
- තෙරපන තාපය අඩුයි.
- නිර්මාණය සරල නිසා සවි කිරීම පහසුයි.
අවාසි
- අඩු RPM වලදී Boost එක අඩුයි.
- Fuel Efficiency ටර්බෝට වඩා අඩුයි.
නිගමනය
ඔබ වැඩිම කාර්යක්ෂමතාවක් සහ විශාල බලයක් අපේක්ෂා කරනවා නම් ටර්බෝචාජර් හොඳම තේරීමයි.
ඔබට අවශ්‍ය නම් ක්ෂණික ප්‍රතිචාරයක් සහ පහළ RPM වලදී ශක්තියක්, එවිට සුපර්චාජර් තෝරාගැනීම සුදුසුයි.
අද වන විට ඇතැම් ඉහළ කාර්යසාධන වාහන (Performance Vehicles) දෙවර්ගයම — Turbocharger සහ Supercharger — එකට භාවිතා කරනවා. පහළ RPM වලදී සුපර්චාජරය ක්‍රියාත්මක වී ක්ෂණික බූස්ට් එක ලබාදෙයි, ඉහළ RPM වලදී ටර්බෝචාජරය ක්‍රියාත්මක වී උපරිම බලය ලබාදෙයි.
ලියන ලද්දේ
Nisaga Sandaru
A versatile and highly experienced professional, currently an Automobile undergraduate at the University of Jaffna, with strong technical expertise grounded in hands-on work as a technician with SriLankan Airlines Ground Support Equipment (GSE). Holding an Automobile NVQ Level 3 qualification, along with specialized certifications in Vehicle ECU Programming and Diagnosis, and extensive experience in arc welding and vehicle body painting, and well equipped to handle complex automotive, diagnostic, and fabrication-related tasks with a high level of competence.
