Radiator එකේ coolant level එක බැලුවද?
ඔයා වාහනයක් ගන්නවා වගේම ඒ වාහනේ කොටස් ගැනත් හොඳ අවධානයක් දෙන්න ඕනේ. නැත්නම් ඔයාට වාහනය ගොඩක් කල් පාවිච්චි කරන්න බැරි වෙනවා. ඉතින් වාහනයක් තියෙන ඔයා අනිවාර්යයෙන්ම සැළකිලිමත් වෙන්න ඕනේ දෙයක් තමයි වාහනයේ radiator එක. ගොඩක් අය මේ ගැන සැළකිලිමත් වෙන්නේ නැහැ. ඉතින් ඒ නිසාම අද Motorguide අපි හිතුවා radiator එක ගැන ඔයාලට කියන්න.
Radiator එකෙන් වෙන්නේ මොකක්ද ?
radiator එකෙන් වෙන්නේ engine එක ක්රියාත්මක කරද්දී ඇති වෙන තාපය ඉවත් කරලා engine එක අධික ලෙස රත් වෙන එක නතර කරනවා.
Radiator එකක ප්රධාන කොටස් 2ක් තියෙනවා. ඒ තමයි,
- Toop tank
- Bottom tank
ඒ වගේම radiator core කියලා ඇලුමිනියම් කොටසක් ඇතුළත් වෙනවා.
Radiator එකේ කොටස් මොනවද ?
- Inlet
- Filter neck
- Transmission oil cooler
- Outlet
- Drain plug
- Fan
හැමදාම උදේට Coolant level එක check කරන්න
ගොඩක් අය මේ දේ කරන්නේ නැහැ. ඒත් උදේට හැමදාම coolant level එක බලන්න මතක තියාගන්න. මොකද වයර් වලට damage වෙලා තියෙන්න පුළුවන් වගේම hose එකක් පුපුරලා තියෙන්න පුළුවන්. ඉතින් අන්න ඒ නිසා මතක ඇතුව හැමදාම ඔයාගේ වාහනේ drive කරන්න කලින් coolant level එක check කරන්න මතක තියාගන්න.
Radiator එක කොච්චර කාලෙකට සැරයක් check කරන්න ඕනෙද?
වාහනය service එකට දැම්මට පස්සේ ගොඩක් අය radiator එක ගැන බලන්නේ නැහැ. ඒත් ඔයාට හැමදාම වගේ radiator එක check කරන්න පුළුවන් නම් ඒ දේ වාහනයට ගොඩක් හොඳයි.
Engine එක හරියට cool කරගන්නේ කොහොමද ?
Engine එක හරියට cool වෙන්න නම් coolant engine එක වටේට යන්න ඕනේ. ඉතින් ඒ විදිහට coolant engine එකට අරන් යන බට line එකට කියන්නේ engine horse කියලා.
Coolant දාන්න ඕනේ කොහොමද ?
සාමාන්යයෙන් 40,000km සැරයක් coolant මාරු කරන්න ඕනේ. ඒ වගේම coolant එකක් දාන්න ඕනේ බාල coolant වර්ග දාන්න එපා. ඔයා ලාභය ගැන හිතලා බාල coolant දානවා නම් ඒ දේ වාහනයට ලොකු ගැටළුවක් වෙන්න පුළුවන්.
වාහනයක Coolant බලන්නේ කොහොමද ?
මුලින්ම ඔයා බලන්න ඕනේ engine එක නිවිලද කියලා. රත් වෙච්ච හරි ධාවනය වෙන engine එකක Coolant එකක බලන එක ගොඩක් භායානක වැඩක්.
Max level එකට වඩා coolant දාන්න එපා
ඔයා කවදාවත් max level එකට වඩා නම් coolant දාන්න යන්න එපා. මොකද engine එක රත් වෙනකොට coolant ප්රසාරණය වෙලා බෝතල් වලින් එළියට විසි වෙලා යන්න පුළුවන්.
Radiator එකක වතුර උණු වෙන්නේ ඇයි ?
Radiator එකක වතුර උණු වෙනවා නම් එකට හේතු ටිකක් තියෙනවා. ඉතින් ඔයා මුලින්ම බලන්න fan එක බුරුල් වෙලාද කියලා. Fan belt එක කැඩිලා වෙන්නත් පුළුවන්. එහෙමත් නැත්නම් radiator එක දිරලා වෙන්නත් පුළුවන්, ඒ බට වල ලීක් එකක් වෙන්න පුළුවන්. එතකොට වාහනයේ engine එක cool වෙන්නේ නැහැ.
වාහනය heat වෙන්නේ ඇයි?
ඔයා කරන්න ඕනේ engine එක නිවේනකම් bonnet එක ඇරලා තියන එක. Coolant level එක අඩුයි නම් Max level එකට වෙනකම් coolant දාන්න. ඒ වගේම ඔයාගේ වාහනේ Heat එක දවස් දෙක, තුනකට සැරයක් වෙනවනම් ඒ ගැන අවධානය යොමු කරන්න අමතක කරන්න එපා. Engine oil මදි වුණාමත් වාහනය heat වෙන්න බලනවා. Radiator එකේ ගැටළුවක් වෙන්නත් පුළුවන්. වාහනයේ tuning මදි එකත් ඒ විදිහට වාහනය heat වෙන්න බලපානවා.
වතුර ද ? coolant ද ? වාහනයට හොඳ
ඔයා කවදාවත් වාහනයට වතුර දන්න එපා. වතුර දාන එකෙන් වාහනයේ cooling system එක block වෙන්න පුළුවන්. ඒ වගේම මලකඩ ඇති වෙන්නත් පුළුවන්. ඒ නිසා හැමවෙලාවකම coolant දාන්න මතක තියාගන්න.
මෙන්න මේ විදිහට තමයි වාහනයේ coolant level එක check කරගන්නේ. ඉතින් අද Motorguide අපි කියපු විදිහට ඔයාගේ වාහනයේ radiator එක ගැන වගේම coolant level එක සැළකිලිමත් වුණොත් වාහනයේ ගැටළු ඇති වෙන්නේ නැහැ.
ලියන ලද්දේ
Nipuna Marasinghe
