TPMS එකේ Warning Light එන්නෙ ඇයි?
Motor Guide අපි අද කතා කරන්න යන්නෙ නවීන මෝටර් රථවල නිතරම වගේ Dashboard එකේ පත්තු වෙන, වැදගත් දර්ශකයක් ගැනයි. ඒ තමයි (TPMS - Tire Pressure Monitoring System) නැතහොත් වාහනයේ ටයර්වල වායු පීඩනය නිරීක්ෂණය කරන පද්ධතියේ Warning Light එක. මේ ලයිට් පත්තු වීමට බලපාන හේතූන් මොනවාද. වාහනයක් පදිනකොට එකපාරටම ටයර් හැඩයේ කහපාට ලයිට් එකක් dashboard එකේ පත්තු වෙන්න ගත්තම අපිට පොඩි බයක් දැනෙන එක සාමාන්‍යයි. හැබැයි මේකෙන් කියන්නේ මොකක්ද, මේකට හේතු වෙන්නේ මොන වගේ තාක්ෂණික කාරණාද කියලා හරියටම දැනගෙන සිටීම අපේ ආරක්ෂාවට වගේම වාහනයේ ආයු කාලයටත් ගොඩක් වැදගත් වෙනවා.
TPMS පද්ධතිය යනු කුමක්ද?
පළමුවෙන්ම අපි තේරුම් ගන්න ඕනේ මොකක්ද මේ TPMS පද්ධතිය කියන්නේ කියලා. මේකෙන් කරන්නේ වාහනයේ ටයර් හතරේම තියෙන වායු පීඩනය (Air pressure) අඛණ්ඩව නිරීක්ෂණය කරමින්, ප්‍රමිතියට වඩා පීඩනය අඩුවී ඇද්දැයි රියදුරුට කල්තියාම දැනුම් දීමයි. මේ ක්ෂේත්‍රයේ ඉන්න අය විදියට අපි දකින විදිහට, මෝටර් රථ නිෂ්පාදකයන් මේ පද්ධතිය වාහනවලට අනිවාර්ය කරලා තියෙන්නේ රිය පැදවීමේ ආරක්ෂාව තහවුරු කරන්නයි. මොකද, ටයර් පීඩනය අඩුවීම නිසා බ්‍රේක් දුර වැඩිවීම, වාහනය පාලනය කරගැනීමට අපහසු වීම (Handling issues) වගේම අධික වේගයෙන් යද්දී ටයර් පිපිරී යාමේ අවදානම (Blowouts) පවා වැඩි වෙන්න පුළුවන්.
Warning Light පත්තු වීමට ප්‍රධාන හේතු
TPMS warning ලයිට් එක පත්තු වීමට බලපාන ප්‍රධානම සහ සාමාන්‍යයෙන්ම සිදුවන හේතුව තමයි ටයරයක වායු පීඩනය සාමාන්‍ය මට්ටමට වඩා අඩුවී යාම. අපි වාහනය පාවිච්චි කරනකොට කිසිදු සිදුරක් නැතත්, ස්වභාවිකවම ටයරයකින් මාසයකට PSI 1ත් 2ත් අතර වායු ප්‍රමාණයක් අඩු වෙන්න පුළුවන්. ඒ වගේම කාලගුණික උෂ්ණත්වය වෙනස් වීමත් මේකට සෘජුවම බලපානවා. විශේෂයෙන්ම රාත්‍රී කාලයේදී හෝ ශීත කාලගුණයක් පවතින ප්‍රදේශවල වාතය හැකිලීම නිසා ටයර් පීඩනය හදිසියේ පහළ යන්න පුළුවන්. ටයර් පීඩනය නියමිත මට්ටමෙන් (ප්‍රධාන වශයෙන් නිර්දේශිත PSI අගයෙන්) 25% කට වඩා අඩුවුණොත් මේ ලයිට් එක වහාම පත්තු වෙනවා.
දෙවන වැදගත් තාක්ෂණික හේතුව වෙන්නේ ටයරයේ සිදුරක් (Puncture) පිහිටීම හෝ සෙමෙන් වාතය ලීක් වීමයි. පාරේ යනකොට ඇණයක් හෝ වෙනත් මළකඩ කැබැල්ලක් ටයරයේ ඇනී තිබුණොත්, ටයරයේ වාතය ක්‍රමයෙන් අඩු වෙන්න පටන් ගන්නවා. මේක එකපාරටම හුලං බහිද්දී වාහනය පදවනකොට දැනෙන්න කලින්, TPMS පද්ධතිය මගින් පීඩනය අඩුවන බව හඳුනාගෙන අපිට ලයිට් එක හරහා අනතුරු අඟවනවා. ඒ නිසා මේ ලයිට් එක indicate කරපු වහාම වාහනය නවත්තල කර ටයර් පරීක්ෂා කර බැලීම ඉතාම බුද්ධිමත් ක්‍රමයක් වෙනවා.
තවත් තාක්ෂණික කාරණයක් තමයි TPMS සෙන්සරයට (TPMS Sensor) හානි සිදුවීම හෝ එහි බැටරිය අවසන් වීම. නවීන වාහනවල සෘජු ක්‍රමය (Direct TPMS) යටතේ සෑම ටයර් වැල් එකක් අසලම ඉලෙක්ට්‍රොනික සෙන්සර් එකක් සවි කරලා තියෙනවා. මේ සෙන්සර් එක බැටරියකින් ක්‍රියාත්මක වන අතර, සාමාන්‍යයෙන් ඒවායේ ආයු කාලය අවුරුදු 5ත් 10ත් අතර වෙනවා. සෙන්සරයේ බැටරිය බැස්සොත් හෝ ටයර් මාරු කරන අවස්ථාවකදී සෙන්සරයට කාර්මික හානියක් සිදුවුණොත්, පද්ධතියට සංඥා යවන්න බැරි වෙන නිසා dashboard එකේ warning ලයිට් එක නිරන්තරයෙන්ම දැල්වී තිබෙන්න පුළුවන්. ඇතැම් විට ලයිට් එක පත්තු වී ටික වේලාවක් දැල්වී තිබී පසුව Blink වීමක් සිදු වුවහොත් එය බොහෝ විට සෙන්සරයක දෝෂයක් ලෙස හඳුනාගන්න පුලුවන්.
ඊට අමතරව, වාහනයේ ටයර් මාරු කිරීමෙන් (Tyre rotation) පසු පද්ධතිය Reset/Relearn නොකිරීම නිසාත් මේ අනතුරු ඇඟවීමේ ලාංඡනය පෙන්වන්න පුළුවන්. ටයර් මාරු කළ පසු, ටයර් position සහ වායු පීඩන මට්ටම් පද්ධතියට නැවත යාවත්කාලීන කළ යුතුයි. Indirect TPMS පද්ධතිවල නම්, ABS සෙන්සර් හරහා ටයර් වල භ්‍රමණ වේගය මැනීමයි සිදු කරන්නේ. ටයර් ප්‍රමාණය වෙනස් වීමක් හෝ වායු පීඩනය අඩුවීමක් නිසා රෝදයක වේගය වෙනස් වුවහොත් මෙම පද්ධතිය ක්‍රියාත්මක වී රියදුරුට අනතුරු අඟවනවා.
Motor Guide අපේ උපදෙස
අවසාන වශයෙන් Motor Guide අපේ උපදෙස නම්, ඔබේ වාහනයේ TPMS ලයිට් එක පත්තු වූ වහාම කිසිසේත්ම එය නොසලකා හරින්න එපා. පළමුව ආරක්ෂිත ස්ථානයකට වාහනය ගෙන ගොස් ටයර් හතරේම වායු පීඩනය ප්‍රමිතිගත මට්ටමේ (ග්‍රීල් එකේ හෝ දොරේ අභ්‍යන්තරයේ සඳහන් කර ඇති PSI අගයට) පවතියිදැයි පරීක්ෂා කරන්න. වාතය අඩු නම් අවශ්‍ය ප්‍රමාණයට පුරවා TPMS බටන් එක මගින් පද්ධතිය රීසෙට් කරගන්න. ටයර් පීඩනය හොඳින් තියෙද්දිත් ලයිට් එක පත්තු වෙනවා නම් හෝ දැල්වී blink වෙනවා නම්, ළඟම තියෙන පිළිගත් සේවා මධ්‍යස්ථානයකට ගිහිල්ල සෙන්සර් පද්ධතිය පරික්ෂා කරවා ගැනීමයි වඩාත්ම නුවණට හුරු වන්නේ. ඒ වගේම නවීන වාහන සහ තාක්ෂණය ගැන මෙවැනිම වටිනා තොරතුරු දැනගන්න හැමදාමත් අපේ Motor Guide එක්ක රැඳී ඉන්න කියලත් මතක් කරනව.
ලියන ලද්දේ
Nisaga Sandaru
A versatile and highly experienced professional, currently an Automobile undergraduate at the University of Jaffna, with strong technical expertise grounded in hands-on work as a technician with SriLankan Airlines Ground Support Equipment (GSE). Holding an Automobile NVQ Level 3 qualification, along with specialized certifications in Vehicle ECU Programming and Diagnosis, and extensive experience in arc welding and vehicle body painting, and well equipped to handle complex automotive, diagnostic, and fabrication-related tasks with a high level of competence.
